新學年

上星期五正式上堂，放學返來取出兩個破爛公文袋，是Econ past papers，由仔仔出世嗰年(1999)HKCEE至2015年DSE。我驚訝問咁多做得完？仔答影咗至算喇。再問影完幫你換個新淨公文袋才還俾老師好唔好？仔卻話唔需要喇，見他語氣已有點煩躁:(

去年仔仔選擇一個中間較佳座位坐，今年卻選擇偏僻角落位，玩自閉？

今年班內有四位同學已出國讀書，仲有一位未返學，未確定。仔話原來班內約有一半人已考IELTS，有同學好有興趣知他上完補習才去考，成績將會如何。仔卻好有興趣知有位同學校內英文攞5*，跟自己同一日考IELTS，成績又會如何。

去年新買的校服褲開學時穿著仍有點過鬆，要在褲頭兩邊褶起用針線縫實，今年覺得褲頭緊咗，要將褶起的放返落來。暑假食得太豐足吧？仔仔話已有個小肚腩，要它盡快消失:)