14歲了

今日是母親節兼仔仔14歲的生日，仔仔終於決定會兌現音樂節得到的$500獎金，請我去千x食壽司，盛惠$7xx，餘數由老公包底。

至於生日禮物，其實從來都不會刻意送禮物，除了兩歲那年特意送了一隻大型小熊維尼公仔(現時仍擺放在他房間的窗台)。但今年他要求我送部手機，因現時用緊的Samsung手機是升中時的暑假購買，但已有不少毛病，本已決定買iPhone 5，但今晚又猶豫不決，最後決定繼續捱舊機，等轉新型號才購買。

領取獎杯及獎學金

昨天去音樂協會辦事處領取由黃明憲女士送出的獎杯及$500獎學金。

仔仔似乎不太捨得兌現這張支票。

忙碌的四月份

今個月學校甚忙碌，除日常功課外，還有幾份group project、測驗、背默文言文及解釋。

見仔仔甚生性懂事，除了叫他盡自己能力讀好書之外，也坦言若將來真的未能入讀本地心儀大學及學科，也是會盡能力讓他出去讀。仔仔反問我有錢咩？我答要好慳好慳才可以。