開始考試

仔今日開始中期考試，考到21號結束。第一日12點半考完，陪佢去酒樓飲茶，然後回家繼續努力。等位期間，不忘爭取時間溫習。


自從9月開始補習後，不得不佩服補習社的那股魔力。最近還推薦我睇YouTube片段【知識】。

場面墟冚

昨日某間大型補習社招生報考明年二月DSE Mock Exam，仔仔話想試下報考英文及通識，睇睇自己水準如何。由我出馬代佢去拎籌，10點幾去拎，到下午3點幾才報到名，場面墟冚！由地下、樓梯級至二樓補習社，迫滿學生及部分家長。


跟幾位家長閒聊，他們子女都是中六學生，得知學校中三、中四已好谷，好多測驗，亦唔少只讀兩個選修科。知道仔讀四個選修科，都話讀唔到咁多科。將呢d信息講俾仔知，佢話知道地區學校好谷，自己學校唔谷，要自己谷自己。

資訊日

前日中大資訊日，原本打算跟幾個同學一齊去，但大家的行程安排有不同，最後仔仔一個人自己去。上午去了商學院聽兩個課程，下午去音樂系。得知音樂是考完DSE後，首先有個written test，100條MC題目及一篇essay，過關後才有得面試，audition大約兩分鐘。written最高分的頭30位學生確定會取錄，但頭50位取錄的機會好大。


去年原本也想去大學聽聽，可惜中大資訊日前去了幾日大阪比賽，返港後忙於追趕功課，而港大資訊日又撞正考LT，所以今年非去不可，但就返唔到學校上音樂堂。


最近，校本評核的功課接踵而來，四科四份全部今個月尾要交。11點半睡覺的日子已不復在，大多數日子已要過12點才有得瞓。

又病

繼八月中病了好幾日之後，前日又病。前日朝早返到學校一陣已覺唔舒服，頭暈、尖寒尖凍，兩堂Chem去了校務處休息，10點左右打電話叫我向學校請假提早走，及打電話約睇醫生，但話跟住有兩堂Econ想捱埋才走。校務處職員叫佢既然唔舒服就盡快返屋企休息，咁辛苦上嗰兩堂都聽唔入腦喇，但佢話頂得住喎:(。上完兩堂Econ後去了旺角睇醫生，去到診所已有發燒39度。


根據以往紀錄，每次發燒都病好幾日，所以預計要到下星期才返到學。幸今次冇乜大礙，食藥休息了兩日，今日已可以正常返學了。

好chur

最近，仔仔用「好chur」來形容，特別是數學科。佢話成班讀M1的同學覺得由開學至今，就是不停在做數，亦深信M2同學命運一樣。每教完一個單元老師就派past papers給他們做，話做完才做課本level 2題目，level 2做完仲想做的話再問佢拎數，唔好做level 1題目。中五課程已教完，下星期開始教M1。


昨日參與的音樂會，表現並不理想，已盡了努力，暫時能力只能如此。令仔仔感驚喜意外的是，收到沈校長贈送《半杯水》並親筆簽名。

宜昌之旅

上個月18至20日兩間兄弟學校音樂老師帶了7位學生去宜昌音樂節，欣賞了兩場音樂會及參觀鋼琴生產基地。參觀期間，自不然要試試呢隻品牌質數如何。但音樂會期間，手提電話卻照響、照聽、照講:(


下星期一有位鋼琴演奏家到兩學校分享演奏心得及學習音樂的歷程。

人生的第一次

昨日仔仔人生的第一次，品嚐咖啡，可惜最後只飲了一半:)


仍然返緊半日學，但5點幾補習社有免費試堂要上，為免返屋企一來一回車程浪費時間，所以放學去了starbucks食lunch兼做功課，夠鐘才去上堂。話說仔仔貪小便宜，一次過在同一間補習社報了7個免費試堂班，已上了5個，感覺唔錯，評價頗為正面。

開學第一日

第一日返學有驚喜，得知繼續summer order兩星期，12點20分已放學。


今學年中、英、數各有一日連續上三堂。數學科分拆成七班，五班Core，一班M1，一班M2。


仔話明日要早返學校，因為班主任話座位自行揀位，先到先得，佢已鎖定了心儀座位。


音樂老師通知，獲邀請9月18至20日帶三個學生去中國湖北宜昌，參觀鋼琴生產基地及欣賞音樂會，所有費用都不用支付，仔決定了參加，但回鄉證已過期，預約了時間做特快。

Summer 2015 (5)

Summer Music Camp結束後，我和老公過去會合仔仔，在紐約遊玩了個多星期。返港後「遊魂」了幾日，也正式投入工作了：

1) 由於10月有場慈善音樂會有份參與，所以要盡快開始練琴。一首新歌，另一首Chopin-Scherzo No.2 Op.31仍需要老師幫他仔細去處理，希望到時能順利完成吧！


2) 完成了幾條老師assign的通識題目後，開始備課部分中五課程。


返港後原本keep住早起床，頻密去游水及做gym，可惜病了一場沒有再做。佢話明天最後一日暑假一定會早起床去做gym。

Summer 2015 (4)

Grand Finale Concert前一日收到通知有份，並要求仔仔彈返Chopin，正中他心意。呢場concert有六位學生及三位老師參與，但仔仔彈得並不理想，佢話中間有段右手竟然甩掉長達10秒鐘，左手就繼續。我問咁是否全場人也知他失手，佢答當然！又話要等遲些有錄影片段睇返，才知自己真正彈成點。


今次camp有23位學生，來自香港只得他，有三位來自中國大陸，分別深圳、上海及北京，其中一位正在呢間high school讀書。仔仔共參與一場masterclass、兩場student recital及finale concert，聽了六場老師的recital，上了四堂individual lesson，每日安排三小時練琴，另外幾個camp學生一齊每日自由參加不同運動兩小時。其中一位老師來自新加坡，上堂時問佢想用英文還是廣東話教，最後用廣東話:)


明年暑假哪裏也不能去了，要專心預備DSE。

Summer 2015 (3)

昨晚有份參與的另一場Student Recital在Fairfield Farm舉行，仔仔是在早一日才獲通知參與呢場，心情應是非常興奮吧？零晨五點幾連發6個訊息話我知，被他吵醒了:(


今早收到訊息對自己彈Chopin - Scherzo No.2 Op.31的評價。呢張相應該是昨日下午rehearsal時拍下的，仔話相中巴西男孩是23位學生之中彈得最好。


25號最後一日將有場Grand Finale Concert，他當然好想有份彈，但估計機會不大。

 

 

Summer 2015 (2)

星期三舉行了第一場Student Recital (共有四場)，有六位學生參與，仔仔其中一位。佢彈返Haydn - Piano Sonata Hob.XVI:52 1st movement。經過上完一場masterclass及一堂private lesson，再加以反覆練習之後，佢滿意自己的表現，但嫌仍拘謹唔夠放，又話台型唔錯喎:)


完成呢場recital後，仔仔開始專心準備下一首曲目，Chopin - Scherzo No.2 Op.31，下星期還有一場recital有份參與。

Summer 2015

今早見到仔仔放多張相上FB，眼前一亮，學校環境真的非常吸引。

昨日第一天正式上堂是masterclass，有三位學生接受Prof. Boris Berman指導，仔仔有幸是其中一位，彈Haydn - Piano Sonata Hob.XVI:52 1st movement。他覺得自己是彈得最差的一位。
                                                                       

 

 

 

平安抵達

仔仔9號晚坐6:55pm機去美國，竟然撞正八號風球，幸沒有影響行程，準時起飛，平安到達。由於學校位於偏遠郊區，有職員在JFK機場接他們。

今早傳來的相片:)

早餐

今朝的早餐，變形斑蘭蛋糕。老公來去匆匆，前晚搭六點幾機去新加坡，昨晚坐返六點幾機回港，順道帶來的手信。


考完試後，仔仔閉關練琴，每日練4個幾小時。明日出關返學校對考試卷。

溫習結束

雖然仲有下星期一、二的中英文Speaking，但今早考完Phy，溫習正式結束了。


有個同學話溫到今朝三點才睡覺，仔只能選擇早睡早起，昨晚11點前已睡，今朝四點起床。


昨日考完英文Listening，最後一次去Starbucks溫習。有個同學住在附近，回家午膳後，陪仔仔一齊溫習，直至六點幾齊齊離開回家。


今次考試，他覺得LS及Phy考得較為理想。Econ有條題目第一部分方向已諗錯，之後幾部分也就跟住錯，12分盡失，慘痛！考Econ其間，負責監考的老師行到仔面前，問是否就是Econ最高分那位？話只要有心讀，5星或5星星並不太難。


今晚約好和同學師兄一齊dinner，然後去文化中心欣賞王羽佳音樂會。

考試中

已考試一星期了。今日星期六考音樂科，考完直接去咖啡店食嘢及溫習下星期一的Econ。

今次考試，經常考完去咖啡店溫書準備下一科，六、七點才回家，佢話專心d喎。

 

 

考試

下星期一開始考試，考到23日結束。但其實19日考完Physics已唔需要再溫書，只剩返中文及英文Speaking。19日晚跟同學、師兄去欣賞王羽佳音樂會。

新動向

很久沒有寫日誌了。

學校今年首次有Summer Order，由5月26日至6月5日12:30pm放學。仔仔幾期待，原因有二：

1)多些時間溫習預備期終考試，由6月8日考到23日。

2)多些時間練琴準備曲目，7月9日將前住美國兩星期Summer Music Camp，7月26日結束。由於他好想camp完結後留下遊玩幾日，所以決定了26日我及老公過去會合，然後展開一家三口紐約之旅，8月4日返港。

測驗日

仔仔話今日返學主要是測驗，兩堂英文及兩堂中文都用來測DSE聆聽卷，而兩堂數學繼續測80年代會考題目，只餘下一堂早會、一堂Econ(每日共有八堂)。

現在星期一至四甚少在家練琴。星期一至三多數lunch time留校練琴約45分鐘，同學出外食完幫佢買飯，咁放學返到屋企就可以多些時間專心做功課。星期四就會跟同學出外午膳輕鬆下，因為放學後仲要去HY上兩小時音樂。


今星期開始練另一首新歌，Chopin Scherzo No.2 Op. 31 。

手指起枕

昨日一家出去飲茶，仔仔展示尾手指起枕俾我睇，話唔痛，仲有無名指之前也起枕，但已自動甩掉了。練琴的其中一個代價？！

Piano Sonata in C minor, K.457, 1st movement - Mozart

放復活節假

星期五測完最後一科LS，開始放復活節假，4月13日才返學。暫時他覺得今次測驗最不理想應是Econ，事實／真相如何，留待放完假派卷才知。打算今個假期花些時間嘗試做這本練習。

統測

今日開始一連五日統一測驗，這是學校的第一次。以往，不少科目的老師因應需要，測驗次數、範圍、深淺程度各不同。記得去年家長會，有家長反映她仔仔那班一個學期數學只測過兩次，但有其他班卻測驗五次；又有家長反映學校跟其他校相比，課程深度不夠；不少家長強烈反映需要多些功課、測驗給學生。。。

購票

3月27日是校際音樂節中學合唱決賽，昨日預售入場票。據知幾間傳統學校學生都會兵分幾路，一些去不同售票站通宵排隊等購票，一些在網上購票。去年10點售票，10點零5分已售罄，仔仔用我戶口幸運地買到4張。今年他為了能增加買到機會，連老公戶口也出動，前晚已攞定老公的戶口資料、信用卡。昨天早上9點幾開定兩部電腦，進入購票網頁，一到10點我倆個齊齊立即登入購票，10點零2分買到4張，之後一直冇法再買到，並不是售罄，網頁顯示尚有少量餘額，畫面顯示「所選區段的尚餘座位正有其他顧客選取，暫時未能提供所須座位」，試到10點半決定放棄。之後仔仔唔心息，11點再登入嘗試，神奇地竟然再買到4張票，他覺得自己好幸運！:)

遺失銀包

今朝仔仔如常搭shuttle bus，然後準備轉地鐵返學，到地鐵站口才發現銀包不見了，知道一定是遺漏在shuttle bus，立即打電話給我，告知他乘搭那班車的時間，叫我打電話去管理處查詢會否有人拾獲交給站長。另外他急call一位住在附近的同學打救，借錢買地鐵票返學。


確定沒有人交還銀包後，幫他打電話去報失ATM卡，但要他自己之後再打電話去確認身份才可以發新卡；學生八達通也報失，要七個工作天才有新八達通；有張Starbucks Card午膳時間自己打去報失。放學時憑住報失編號申請了張臨時學生八達通，現只餘下住戶證及學生證未辦理。

賽果

前晚仔仔比賽的校際音樂節，由於人數多分兩日進行，昨晚所有參賽者彈完後宣佈五位進入決賽。雖然仔仔這段其間進步了不少，也有想過或有機會入圍，但當收到評分紙才知道原來在兩位評判眼中，距離入決賽是那麼遙遠。昨日特意去聽其他參賽者，對那位彈得如此出色的女孩卻不能入決賽，感到很意外！

講座

今日在間中學有場「莫扎特的音樂與人生」分享講座，仔仔有幸參與，彈了首莫扎特的曲目。

當介紹仔仔上台時，學生得知他只得15歲顯得有點驚訝，聽到有位女學生話似22歲，這麼誇張？？學校通告用xxx先生，而不是用xxx同學，可能學生沒有預計是位跟自己年紀相若緣故吧？！

早於兩星期前副校長打電話來講解當日流程，得知對象是中三至中五學生，大約四百幾人。仔仔第一個反應是咁多人？我問會否好緊張？壓力好大？他沒有回答。其實怎會不緊張、沒有壓力呢？只是多與少而矣。

返家途中，他說上台時的確有些緊張。對於自己的表現尚算可以，平平穩穩、順順利利完成了。

比賽時間

今屆學校音樂節舉行日期由3月2日至4月1日，比賽時間表今早已公佈，仔仔參加的項目分兩日進行，3月3日及4日，仔仔是3日晚上，比賽日期的第二日已輪到他，那麼早，唉。。。

今次這個組別的參賽者，早已知道好多是實力非常非常強，非常非常出色，有些更是我們認識的，所以明白仔仔能入到決賽的機會是微乎其微。無論如何，在有限的時間盡能力準備好三首曲目吧！

琴試成績

今日終於收到LTCL成績了，非常滿意的分數，91分。

Summary：Great maturity and technical brilliance combined have in a highly successful recital.

Presentation Skills : Appropriate dress and fine pianistic manner.  Well produced programme with relevant information.

結婚紀念日

雖然今日是結婚紀念日，但跟平時的週末、日沒有分別。

今早7點如常一個人去會所游1500米水，接近9點返到屋企，仔仔已起床，食完早餐後，如常練琴做功課。下午陪他出去學琴，晚上會合老公一家三口去中環萬宜大廈小南國晚飯，然後返屋企，仔仔繼續做他的功課。

Promotion

仔仔知我有寫開blog，俾埋相片要求我幫手推廣。過去三日全校只上午上堂，下午用來籌備明、後兩日的開放日活動。

 

 

 

 

 

 

新年禮物

聖誕新年假期結束，1月5日返學了。當日音樂老師請Music Association廿多位學生飲茶，並各人送了份日歷禮物。

仍未收到LTCL成績，今日Email去，得到回覆是成績仍未返到HK office，要2至3個月時間。

 

                                                                      5月份生日boys