温習

由於6月4日開始考試，剛過去的星期六、日，仔仔整天留在家中做功課及温書。

中史及西史已温了大部份，仔仔覺得中史最難，所以先行解決，見他中史真的温到叫苦連天，還說高中一定不會選讀，温西史時，相對地快脆輕鬆得多。我說中一的中史有多難呢？不明為何要温那麼久。老公還幽默地問仔仔，為何見他整天都在温書，考試應是很輕鬆，讀書應是很享受，為何苦瓜嘴臉？

曾幾何時，仔仔的目標是讀書要叻過爸爸，學歷要高過爸爸，但早前他已對我說，雖然數學不算差，班上也不算好，但肯定不及爸爸，覺得腦袋轉得太慢。我笑笑口安慰仔仔：不要緊，我一早已知輸幾條街，但爸爸只懂讀書，而你又懂彈琴，我覺得你全面得多。爸爸讀書叻，媽咪讀書差，你剛好中和，啱數！

事實上，老公確是讀書的上乘材料，3歲讀到30歲，21歲出來工作，日頭返工，晚上返學，其中有三年時間更是去讀一個課程，再自修讀多一個，但見他輕易地取到優異成績，輕易地取到'top candicate'；而我，跟他同一公司，同一部門，返同一間大學進修，一起出去考試，成績總是相差甚遠。所以......資質這東西冇話可說。