苦戰篇

仔仔升上中五後開始補習中文，也有定期交功課。現時稍有信心的只得說話，作文最差。交給補習社批改的十幾份作文當中，有兩份攞level 1、四份level 2，令人沮喪。前幾日收到一份，竟然有level 5，令仔仔好開心，算是小小激勵。聽侄女講，當年她大多數是攞level 3或4，結果DSE作文攞5*，希望奇蹟也發生在仔身上吧！

至於英文，由於仔仔想讀的學科大部分是需要乘2，所以如果英文考得唔理想的話，那想讀的學科就凍過水。現時他最有信心的是reading及speaking，最沒有信心是writing，希望到時能補上拉下。

雖然有三間英國大學offer讀Economics，基本上中文及英文科已解除隱憂，但仔仔也繼續努力中，希望能讀到三大想讀的學科。如果讀唔到想讀的學科而又達到英國的offer就去英國讀。

仔仔send俾我的信息 :

團購

今日某補習社DSE模擬試接受報名，班內好多同學都想報某些科，所以他們用團購形式，價錢相對便宜很多。今朝兩位同學六點幾去了沙田分校排隊取籌，仔仔就九點帶住大舊錢兼買早餐去沙田會合他們等報名。仔仔全部科都報，由12月30日斷斷續續考到明年2月4日，而校內Mock Exam就由1月3日考到1月23日，即是說下個月開始就是不斷準備內外模擬試。

******************

上個月UCAS申請的大學，已有兩間收到conditional offer，心踏實了很多。兩間offer的條件大同小異，都需要M1/M2，一間選修科要求5*55，對core maths嚴格來講沒有要求；另一間選修科要求555、core maths 5*。

名次

中一至今，成績表一直沒有顯示名次(小學也是一樣，直至小五及小六呈分試才知排名)，昨日終於收到過去五年各科及總排名。中一至中三一直在傳說中的精英班就讀，從總排名顯示的確是真的，三年的排名都在頭三十名內(每班三十位學生)。但中四名次慘不忍睹，簡直大插水，怪不得中四攞成績表時，班主任坦言對仔仔成績感到失望，更話呢個成績是入不到大學的。中五，放多了很多時間在學業上，仔仔更用「破斧沉舟」來形容自己的決心，終於中五下學期成績有了明顯進步，排名較中四上升了六十名。

一直以為物理是咁多科成績最好的一科，但原來經濟卻比物理排名較前。初中三年的英文科，排名一年比一年進步，但中四至今卻大幅度被拋離，原因何在呢？如何力挽狂瀾呢？:(

被牽著鼻子走

近三個月，我深深地感受到自己被仔仔牽著鼻子走。我的想法是，努力做好當下，沒有可能的就無謂浪費時間及精力，但他卻話要將沒有可能，化為無限可能。那就由他吧！

****************************

早前仔仔同我講，他真的很喜歡讀書，但不喜歡考試，亦對近幾個月的操練已感到厭惡，很想快點入大學，過另一種學習生活。昨晚又同我講，話他將喜歡讀書呢番說話講給同學知，同學反應好大，即時戲稱他做「學神」。我問學神點解？跟學霸有什麼分別？仔仔笑住話學神比學霸層次更高。

************************

仔仔的personal statement已draft好，在英國讀year 3的師兄給了些意見，並將自己當年那份personal statement透過學校career counselor給仔仔參考。修改後再給幫他寫reference letter的老師俾意見，然後再交給其中一位career counselor作最後修改。

嚇一大跳

星期四朝早仔仔如常7點幾出門返學，11點左右校務處打電話來，話仔仔冇返學，當堂嚇我一大跳，立即打佢手機。原來MA有嘢做，頭幾堂都在禮堂。年紀漸大真係唔嚇得，好彩仔仔有即時聽電話。

下星期開始，各科測驗將接踵而來。已知下星期一、二放學後全級留校測中、英文，而星期三就自己班測通識。

今學年通識科又轉老師，仔仔話呢位老師過去幾年都只教中六，亦是校內最好的通識老師。由暑假開始，仔仔已沒有再補通識，打算到DSE前再去補習社上幾堂revision course就算。

新學年

上星期五正式上堂，放學返來取出兩個破爛公文袋，是Econ past papers，由仔仔出世嗰年(1999)HKCEE至2015年DSE。我驚訝問咁多做得完？仔答影咗至算喇。再問影完幫你換個新淨公文袋才還俾老師好唔好？仔卻話唔需要喇，見他語氣已有點煩躁:(

去年仔仔選擇一個中間較佳座位坐，今年卻選擇偏僻角落位，玩自閉？

今年班內有四位同學已出國讀書，仲有一位未返學，未確定。仔話原來班內約有一半人已考IELTS，有同學好有興趣知他上完補習才去考，成績將會如何。仔卻好有興趣知有位同學校內英文攞5*，跟自己同一日考IELTS，成績又會如何。

去年新買的校服褲開學時穿著仍有點過鬆，要在褲頭兩邊褶起用針線縫實，今年覺得褲頭緊咗，要將褶起的放返落來。暑假食得太豐足吧？仔仔話已有個小肚腩，要它盡快消失:)

暑期功課

剩返一日就開學，只得一份的通識暑期功課竟然仍未做:(

從通識份暑期功課睇到，開學兩星期之後的兩個月，每兩星期就會有一次quiz，相信其他科目也是一樣頻密。而早於放暑假前已收到份通告，開學兩星期後開始，每逢星期一放學後每科輪流測驗。問仔仔有否開學焦慮症？他答沒有，那就安心了。

考完IELTS

仔仔今日考IELTS，上午考reading、writing及listening，下午考speaking，希望有滿意成績吧，不用再考第二次，9月9日會知成績。

昨日得知有宗寨卡病毒個案，真的想隔離埋老公，唔俾佢返屋企。老公好似唔覺一回事，輕描淡寫話都唔同層樓，仔仔插嘴話但搭同一部電梯嘛:(

開始暑期課程

前日仔仔的暑期課程正式開始。當日1:30pm補中文live班，2:45pm放學，跟住去附近公共圖書館溫習，因為5:45pm仲要上兩個半小時的IELTS。這是17年來仔仔首次在公共圖書館自修室温習，他的感受是：1) 氣氛太嚴肅，有種壓迫感；2) 張枱好細、座位逼夾。我問咁下星期日仲去唔去自修室温習？仔答去。

盡管睇睇是否大隻講！

正能量

話說仔仔在補習社補中文，每期收到筆記都會附送一張卡。個人覺得字句充滿正能量，亦很有鼓勵作用。仔仔抽了幾張較有意義的卡，貼在自己書枱上的壁佈板，用作鼓勵自己。

雖然，中文仍是他的最大絆腳石，亦可能是致命傷，但，盡力而為吧！

考試結束

今日最後一科，考試結束了。考完幾位同學在M記醫肚，然後一齊到會所打兩小時桌球及一小時保齡球。

前晚仔仔已在Instagram 留言：countdown to freedom！但其實他所謂的freedom，是暑假可以跟自己的schedule温習。

今日幫仔仔報8月尾考IELTS，7月中將在補習社上12堂有關課程。

考試中

仍考試中，仲有Maths 、M1及Econ未考。

最近仔仔經常去會所自修室温習，相信未來幾個月都會經常在此。

趕完功課了

呢個幾星期，仔仔忙於趕兩份校本評核，一份中文，一份通識，而通識更已是最後一份，昨日deadline才完成網上遞交。


雖然上星期開始summer order返半日學，但經濟科上星期二及今日都留校補課。下星期一開始考試，考到6月22日才結束。


明年DSE公開試時間表已出，仔仔大致上滿意時間表，筆試4月1日考到4月29日，第一日考物理，最後一日考經濟。

新產品

昨日陪仔仔去買iPad Pro 9.7，現時他已擁有三件私人電子產品了。前年買的MacBook Air有時會帶返學校，有時咖啡店温習也帶住，因為他用部電腦整理筆記，方便温習。

基本上在我眼中仔仔是個自律的孩子，所以我頗信任他的，當提出買iPad的用意目的後，考慮了幾日就答應了。

17歲了

話咁快仔仔已17歲了，唔需要生日禮物，唔需要生日蛋糕，出外食餐飯就可以。但今晚要補習中文，明晚補返，叫老公要早點收工。

17歲面對的最大挑戰當然是DSE公開試，最大願望是入到想入的大學喇。加油!!!

意想不到的假期

昨日早上仔仔返學，去到油麻地地鐵站未出閘，確定了不必返學就折返。

本來我已在家做好熱身，收拾好準備落會所游水，最後冇游陪他去飲茶。平時他的早餐是麥皮(鮮奶+黑芝麻醬+朱古力粉)再加麵包，但昨日我遲起床冇煮麥皮，所以只匆忙地吃了一塊齊白方包及飲了杯清水就出門，已覺肚餓。

飲完茶回家自修温習。

Annual Concert

昨日母親節，撞正學校Annual Concert，仔仔早上8點已出門去荃灣大會堂為concert作最後準備，晚上我同老公也有捧場。Concert結束後，仔及同學要將剩餘物品搬返學校，然後一大班同學去食宵夜，零晨兩點才回到家。已為呢個concert忙咗一段時間，見佢書包入面日日有一大袋$$及tickets有點擔心，吩咐佢要小心保管處理。昨日忙足一整日非常疲累，仔選擇今日唔返學在家休息，晚上去音樂老師安排的慰勞飯局，及作evaluation meeting 。

忙完concert，跟住開始要忙下個月的final exam了，今日已收到考試時間表。

暴雨

昨日早上七點零鐘仔仔出門返學，正直橫風橫雨，首次用呢把學校贈送的巨傘。佢話落到去shuttle bus站全身已濕晒。之後whatsapp俾我話勁塞車，應該會遲大到。最後無遲到，話上到課室仲有兩分鐘剩，但當時課室只得10人左右，勁多人遲到。

忙到天昏地暗

過完農曆年後，自己忙到天昏地暗，主要原因是媽媽病情反反覆覆，安排入醫院作一連串檢查及治療。因為醫院餐廳的食物不太合她口味，除了入院第一日order醫院餐廳食物之外，每日我準備早、午餐去，並留下陪伴及跟進病情，而啊嫂就接力負責帶晚餐。終於昨日醫生准許她出院了。


至於仔仔，由於這段時間實在無暇理會，也沒有心情理會，少了很多溝通，不清楚他在忙什麼，只知放復活節假前連續四天uniform test。

年宵攤位(2)

真意想不到，所有貨品售罄，年廿九最後一天到午夜12點賣清最後一件貨品，正式收檔。仔零晨3點幾才返到家中，由於前一晚只食了個魚柳包頂肚，所以已好肚餓，起床煮了個公仔麵給他食。


他們今次製作成本加攤位租金合共用了四萬元，粗略計算賺取了3至4成利潤，比原先期望能賺兩成多出不少，非常滿意的成績。仔話好珍惜今次經歷，因為是中學生涯最後一年參與學校活動，也是他第一次擺檔，亦可能是人生唯一的一次。

年宵攤位(1)

仔今年和另外15位經濟學會成員在維園擺檔，拿了八千大元私己錢投資，能否如他所願賺兩成利潤呢？:)

昨日正式開鑼，他上午看檔，下午如常返學，今日就全日沒有返學，明天、後天將由其他成員接力。星期六上午要考補習社舉辦的DSE英文模擬考試，考完後就直接去維園幫手，星期日最後一日當然需要全體成員搏到盡喇。

新計劃

我要仔仔保持身心健康，鼓勵他無論多忙也好，都要抽些時間做運動。新的一年他終於計劃好，每逢星期六朝早落會所做gym，我十分贊成。


已開始了兩星期，昨日倆母子在家做完warm up後一齊出門，他做gym我游水，食完早餐後他去上堂，我就陪媽媽去覆診。


他能堅持到個個星期六都一早起床去做運動嗎？會否被睡魔擊敗呢？拭目以待吧！